Bakı, 6 fevral, AZƏRTAC

Türkiyədə zəlzələ nəticəsində həlak olanların sayı 1541 nəfərə, yaralananların sayı 9 min 733 nəfərə çatıb.
AZƏRTAC TRT telekanalına istinadla xəbər verir ki, bu barədə Türkiyə Prezidentinin köməkçisi Fuat Oktay məlumat verib. Onun sözlərinə görə, Kahramanmaraş zəlzələsindən sonra 145 afterşok qeydə alınıb, 3 min 471 bina çöküb.
Qeyd edək ki, fevralın 6-da yerli vaxtla saat 04:17-də Türkiyənin Kahramanmaraş vilayətinin Pazarcık rayonunda 7,7 bal, saat 13:24-də isə Elbistan rayonunda 7,6 bal gücündə iki zəlzələ baş verib.