Vatikan, 6 fevral, AZƏRTAC

Roma Katolik Kilsəsinin rəhbəri Papa Fransisk Türkiyədə baş vermiş şiddətli zəlzələ nəticəsində çoxlu sayda insan tələfatına görə kədərləndiyini bildirib.
AZƏRTAC xəbər verir ki, Müqəddəs Taxt-Tacın dövlət katibi kardinal Pietro Parolin Papa Fransisk adından Türkiyədəki apostol nunsisi arxiyepiskop Marek Solçinskiyə teleqram ünvanlayıb. Roma Papası məktubunda zəlzələ nəticəsində bütün zərər çəkənlərə mənəvi yaxınlığını ifadə edib, həlak olanların ailələrinə və yaxınlarına başsağlığı verib.
Papa Fransisk yaralıların qayğısına qalanlara və davam edən xilasetmə işlərində mətanət və əzmlə iştirak edənlərə dəstəyini ifadə edib.

Nihad Budaqov
AZƏRTAC-ın xüsusi müxbiri
Vatikan