Stokholm, 6 fevral, AZƏRTAC

İsveçin Baş naziri Ulf Kristersson Türkiyədə və Suriyada baş vermiş güclü zəlzələ ilə əlaqədar başsağlığı verib.
AZƏRTAC xəbər verir ki, İsveç hökuməti başçısının tviter hesabındakı paylaşımında deyilir: “Türkiyə və Suriyada güclü zəlzələ nəticəsində insanların həlak olması xəbərindən kədərlənirik. Türkiyə Prezidenti Rəcəb Tayyib Ərdoğana dərin hüznlə başsağlığı verirəm. Türkiyənin müttəfiqi və Aİ-nin sədri olaraq, biz öz köməyimizi təklif etməyə hazırıq”.
Öz növbəsində, İsveçin xarici işlər naziri Tobias Bilstrem də krallıq hökumətinin Türkiyə və Suriyanın zərər çəkmiş regionlarına kömək göstərilməsi üzrə Aİ-nin səylərinin koordinasiyasının icrası üçün qısa müddət ərzində Türkiyə XİN-in başçısı Mövlud Çavuşoğluna müraciət etmək niyyətini bildirib.

Rauf Əliyev
AZƏRTAC-ın xüsusi müxbiri
Stokholm