Bakı, 5 fevral, AZƏRTAC

Azərbaycanda koronavirus (COVID-19) infeksiyasına gün ərzində 18 yeni yoluxma faktı qeydə alınıb, 19 nəfər müalicə olunaraq sağalıb.
Nazirlər Kabineti yanında Operativ Qərargahdan AZƏRTAC-a verilən məlumata görə, xəstəlikdən 1 nəfər ölüb.
İndiyədək ölkədə ümumilikdə 828 min 82 nəfərin koronavirus infeksiyasına yoluxması faktı müəyyən edilib, onlardan 817 811 nəfər müalicə olunaraq sağalıb, hazırda 175 aktiv xəstə var. Bu günə qədər 10 min 96 nəfər vəfat edib.
Gün ərzində yeni yoluxma hallarının müəyyənləşdirilməsi ilə əlaqədar 1340, bu günə qədər isə ümumilikdə 7 milyon 496 min 40 test icra olunub.