Güləşçimiz Taleh Məmmədov Xorvatiyada qızıl medal qazanıb
Bakı, 4 fevral, AZƏRTAC
Xorvatiyada keçirilən güləş üzrə “Zaqreb Open” turniri sona yaxınlaşır.
AZƏRTAC xəbər verir ki, yarışın 4-cü günündə - fevralın 4-də 3 güləşçimiz mübarizə aparıb. Yunan-Roma güləşçimiz Taleh Məmmədov (63 kq) ümidləri doğruldaraq fəxri kürsünün ən yüksək pilləsinə qalxıb. Təcrübəli güləşçimiz keçirdiyi hər 3 görüşdə qalib gələrək qızıl medal qazanıb.
Qeyd edək ki, daha əvvəl sərbəst güləşçilərdən Əliabbas Rzazadə (57 kq) qızıl, Hacı Əliyev (70 kq) və Georgi Meşvildişvili (125 kq) gümüş, Cəbrayıl Qadjiyev (74 kq), Əli Rəhimzadə (65 kq), Xadjimurad Qadjiyev (70 kq), Osman Nurmaqomedov (92 kq), Maqomedxan Maqomedov (97 kq) bürünc medal əldə ediblər. Qadınlardan isə Alyona Kolesnik (59 kq) bürünc medala sahib çıxıb.
Mesut Özil futbolçu karyerasını bitirib
Azərbaycan şahmatçıları üçüncü Avropa Oyunlarında mübarizə aparacaqlar
"Turan Tovuz" klubu heyətinə yeni futbolçu cəlb edib