×
A
A
A
Sazlamalar

Azərbaycan ilə BƏƏ arasında bərpaolunan enerji məsələləri ilə bağlı əməkdaşlığa dair müzakirələr aparılıb

Bakı, 4 fevral, AZƏRTAC

Enerji Məsələlərini Tənzimləmə Agentliyinin (AERA) İdarə Heyətinin sədri Samir Axundov Əbu-Dabi Milli Enerji Şirkətinin (TAQA) ötürülmə və paylama üzrə icraçı direktoru Ömər Abdulla Əlhaşmi, şəbəkə inkişafı və investisiyalar üzrə direktoru Qabriele Manduzio ilə görüşüb.
AERA-dan AZƏRTAC-a bildirilib ki, görüşdə Azərbaycan ilə Birləşmiş Ərəb Əmirlikləri (BƏƏ) arasında sıx əməkdaşlıq münasibətlərinin önəmi vurğulanıb. Həmçinin AERA və TAQA arasında qarşılıqlı əlaqələrin qurulması, Azərbaycanda enerji sahəsində ötürücü və paylayıcı şəbəkənin inkişafı, eləcə də bərpaolunan enerji mənbələrinin şəbəkəyə inteqrasiyası yönündə fikir mübadiləsi aparılıb.

Energetika 2023-02-04 15:43:00