Süni intellekt texnologiyası Lope de Veqanın naməlum pyesini aşkar edib
Bakı, 4 fevral, AZƏRTAC
İspaniya Milli Kitabxanasının arxivlərində anonim tarixi əsərlərin aşkar edilməsi üzrə istifadə edilən süni intellekt texnologiyası bu günədək gizli qalan qiymətli əsəri – görkəmli ispan dramaturqu, şairi və yazıçısı Lope de Veqanın naməlum pyesini ortaya çıxarıb.
AZƏRTAC “godliteratury” saytına istinadla xəbər verir ki, bu pyes “La francesa Laura” (“Fransız qadın Laura”) adlanır. Məşhur “Nə əldən qoyur, nə yardan doyur” əsərinin müəllifi olan ispan ədib bu pyesi 1635-ci ildə - vəfatından bir neçə il əvvəl qələmə alıb. Əsərin əsas qəhrəmanı hersoq Bretaninin qızı və qraf Arnaldonun xanımı Lauradır. Fransız taxt-tacının varisi ona aşiq olur. Lakin Laura onun təklifini rədd edir və qısqanc əri buna rəğmən onu zəhərləmək istəyir. Sonda qazın öz təmiz adını qoruyub saxlayır və pyes xoşbəxt sonluqla bitir.
Kitabxananın arxivlərində saxlanılan bu əsərin XVII əsrə aid surəti qalıb. Vyana və Valyadolid universitetlərinin tədqiqatçıları neyroşəbəkədən istifadə etməklə bu arxivlərdə 1300 anonim əlyazması və kitablar aşkar ediblər. Bu texnologiya sayəsində illər boyu davam edən insan əməyinə qənaət edilib, eyni zamanda, müxtəlif yazıçılara məxsus olan əsərlərin müəllifləri müəyyən edilib.
İspaniya Milli Kitabxanası bəyan edib ki, “Fransız qadın Laura” pyesində istifadə olunan sözlər eksperimentdə yoxlanılan 350 dramaturqun arasında yalnız Lope de Veqanın yazı üslubuna uyğundur. Peşəkar filoloqlar da bu nəticəni təsdiq ediblər.
Xətai Sənət Mərkəzində “Müşahidələrin fraqmentləri” adlı fərdi sərgi açılıb
Haaqada UNESCO üzrə Azərbaycan Respublikasının Milli Komissiyasının 30 illik yubileyi qeyd edilib
Bakıda Qırğız Mədəniyyəti Günləri keçiriləcək
“Xalqın mədəni sərvəti” layihəsi çərçivəsində regionlarda növbəti konsert təşkil edilib
“BakuOperArt” “Sərhədsiz Puşkin” adlı ədəbi-musiqili layihə təqdim edir