Bakı, 2 fevral, AZƏRTAC

Qanun və normativlərə görə layihə həyata keçirilən istənilən ərazidə yaşıllıq varsa, o, landşaft elementi kimi saxlanılmalıdır. Çünki həmin yaşıllıq həm füsunkarlıq, həm də effektivlik cəhətdən formalaşmış ola bilər. Buna görə də ən səmərəli üsul həmin yaşıllığı saxlamaqdır.
AZƏRTAC xəbər verir ki, bunu Ekologiya və Təbii Sərvətlər Nazirliyi Dövlət Ekoloji Ekspertiza Agentliyi İdarə heyətinin sədri Mirsalam Qənbərov bu gün keçirilən ictimai dinləmədə deyib.
"Əgər layihə tərkibində yaşıllıq yaradılması nəzərdə tutulubsa, mövcud yaşıllığın saxlanılması daha məqsədəuyğundur", - deyə M.Qənbərov qeyd edib.