Bakı, 1 fevral, AZƏRTAC

2022-ci ildə qeyri-neft məhsullarının ixrac edildiyi ölkələr sırasında Rusiya birinci yerdə qərarlaşıb.
AZƏRTAC İqtisadi İslahatların Təhlili və Kommunikasiya Mərkəzinin “İxrac icmalı”nın yanvar sayına istinadla bildirir ki, ötən ilin yanvar-dekabr ayları ərzində Rusiya Federasiyasına 928,6 milyon ABŞ dolları, Türkiyəyə 713,1 milyon dollar, Gürcüstana 228,4 milyon dollar, İsveçrə Konfederasiyasına 198,5 milyon dollar və Qazaxıstana isə 102,7 milyon dollar dəyərində qeyri-neft sektoruna aid mal ixrac olunub.