Bakı, 1 fevral, AZƏRTAC

Azərbaycanda ötən il ixrac edilən qeyri-neft məhsulları siyahısında karbamid birinci olub.
AZƏRTAC İqtisadi İslahatların Təhlili və Kommunikasiya Mərkəzinin “İxrac icmalı”nın yanvar sayına istinadla bildirir ki, 2022-ci ildə ixrac edilən qeyri-neft sektoruna aid malların siyahısında karbamid (209,7 milyon ABŞ dolları) birinci olub. Bu siyahıda qızıl (185,2 milyon dollar) ikinci, pambıq mahlıcı (173,5 milyon dollar) isə üçüncü yerdə qərarlaşıb.