Vatikan, 31 yanvar, AZƏRTAC

Roma Katolik Kilsəsinin rəhbəri Papa Fransisk Afrika ölkələrinə apostol səfərinə gedib.
AZƏRTAC xəbər verir ki, Papa Fransisk fevralın 5-dək davam edəcək səfər çərçivəsində Konqo Demokratik Respublikası və Cənubi Sudanda müxtəlif görüşlər keçirəcək, dini tədbirlərdə iştirak edəcək. Roma Papası təyyarə ilə Böyük səhradan (Sahara) keçərkən burada həyatını itirənlər üçün dua edib.
Papa Fransisk zorakılıq və yoxsulluqla mübarizə aparan bu ölkələrə səfəri zamanı sabitlik, qarşılıqlı hörmət və dinc birgəyaşayış dəyərlərini təşviq edəcək.
Bu, Roma Papasının sayca 40-cı apostol səfəridir.

Nihad Budaqov
AZƏRTAC-ın xüsusi müxbiri
Vatikan