Masallı, 28 yanvar, İlkin Adıyev, AZƏRTAC

Masallıda 2 Fevral - Azərbaycan Gəncləri Günü münasibətilə təşkil edilən “Gənclər həftəsi” çərçivəsində idman festivalı keçirilib.
AZƏRTAC-ın bölgə müxbiri xəbər verir ki, festivalın keçirilməsində məqsəd idman növlərinə gənclərdə maraq oyatmaq, idmançılar arasında dostluq əlaqələrini möhkəmləndirmək və gənclərin arasında fiziki aktivliyi artırmaqdır.
Qeyd edək ki, festivalda cüdo, taekvondo, boks, güləş, voleybol və futbol idman növlərində iştirakçılar bacarıqlarını göstəriblər. Həmçinin idmançılar və şəhər sakinləri yeni istifadəyə verilmiş idman qurğularından istifadə ediblər.