Bakı, 26 yanvar, AZƏRTAC

Ötən ilin dekabrında fəaliyyətdə olan bankların cəmi aktivləri 47 milyard 54,9 milyon manat, cəmi öhdəlikləri 41 milyard 432,8 milyon manat, balans kapitalı 5 milyard 622,1 milyon manat olub.
AZƏRTAC Mərkəzi Banka istinadla xəbər verir ki, 2022-ci ilin dekabrında bankların cəmi aktivləri 3,4 faiz, cəmi öhdəlikləri 3,7 faiz, balans kapitalı isə 1,9 faiz artıb. Ötən il isə bank sektorunun cəmi aktivləri, cəmi öhdəlikləri və balans kapitalı üzrə artım müvafiq olaraq 22,3, 23,7 və 13,1 faiz təşkil edib.