Bakı, 20 yanvar, AZƏRTAC

İsveçin Türkiyədəki səfiri Staffan Herrström Türkiyə Xarici İşlər Nazirliyinə çağırılıb.
AZƏRTAC Anadolu agentliyinə istinadla xəbər verir ki, buna səbəb sabah Türkiyənin Stokholmdakı səfirliyi yaxınlığında “Qurani-Kərim”in yandırılmasına icazə verilməsi olub.
Səfirin diqqətinə çatdırılıb ki, PKK-ya bağlı dairələrin bu cür təxribat xarakterli hərəkətlərinə icazə vermək olmaz və şiddətlə qınanılır. İsveçin mövqeyinin qəbuledilməz olduğu, müqəddəs dəyərlərin təhqir oluna bilməyəcəyi vurğulanıb.
“PKK-ya bağlı dairələrin sabah Stokholmun mərkəzində keçirəcəyi nümayiş, terror təşkilatları və onların havadarlarının təbliğat fəaliyyətinə icazə verilməsi üçtərəfli razılaşmanın (Türkiyə, İsveç və Finlandiya arasında) açıq şəkildə pozulmasıdır”, - deyə qeyd olunub.