Şirvanda 20 Yanvar şəhidlərinin xatirəsi yad edilib
Şirvan, 20 yanvar, Aydın Yavərzadə, AZƏRTAC
Şirvanda 20 Yanvar faciəsinin 33-cü ildönümündə ümumşəhər tədbiri keçirilib. Tədbirdə Şirvan Şəhər İcra Hakimiyyətinin başçısı İlqar Abbasov, Milli Məclisin deputatı İltizam Yusifov, Yeni Azərbaycan Partiyası Şirvan Şəhər təşkilatının sədri Zahir Qəhrəmanov, hüquq-mühafizə orqanlarının rəhbərləri, şəhid ailələri, hərbçilər, veteranlar, qazilər və ictimaiyyət nümayəndələri iştirak ediblər.
AZƏRTAC-ın bölgə müxbiri xəbər verir ki, əvvəlcə Ümummilli Lider Heydər Əliyevin abidəsi və Şəhidlər xiyabanı ziyarət olunub.
Daha sonra Birinci Qarabağ müharibəsində itkin düşənlərin xatirəsinə ucaldılan abidənin və 20 Yanvar şəhidlərinin xatirə lövhəsinin önünə gül dəstələri düzülüb. Həmçinin “Şəhid anası” memorial abidə kompleksinin önünə əklil qoyulub.
Şirvan şəhər 20 nömrəli tam orta məktəbin şagirdləri vətənə və şəhidlərə həsr olunmuş bədii kompazisiya ilə çıxış ediblər.
Saat 12:00-da ölkəmizin hər yerində olduğu kimi, Şirvan şəhərində də 20 Yanvar şəhidlərinin xatirəsi bir dəqiqəlik sükutla yad edilib.
Sonra Birinci Qarabağ müharibəsində şəhid olan Milli qəhrəmanlar Nofəl Quliyevin, Tahir Bağırovun, Rəfael Həbibovun büstləri ehtiramla yad edilib. Milli qəhrəmanların ailə üzvləri, təhsil aldıqları məktəblərin müəllimləri onların göstərdikləri şücaətlər barədə məlumat veriblər.
“Tarixi abidələr uşaqların gözü ilə” – rəsm sərgisi
Naxçıvan Muxtar Respublikasının 100 illiyinə həsr olunmuş rəsm sərgisi açılıb
“Keşikçidağ” Dövlət Tarix-Mədəniyyət Qoruğunda abidələr və tarixi yerlər günü qeyd olunub - FOTO
Hacıqabulda qatarın vurduğu qadın ölüb YENİLƏNİB VİDEO
Naxçıvanda akademik Rəhim Rəhimovun 100 illik yubileyi qeyd edilib