Bakı, 20 yanvar, AZƏRTAC

Qərbi Azərbaycan İcmasının rəhbər heyəti və icma üzvləri 20 Yanvar şəhidlərinin anım günü ilə əlaqədar Şəhidlər xiyabanını ziyarət ediblər.
İcmanın mətbuat xidmətindən AZƏRTAC-a bildirilib ki, icmanın rəhbərliyi və üzvləri şəhidlərin məzarları üzərinə qərənfillər düzüb, müqəddəs ruhları qarşısında baş əyiblər.
Şəhidlərimizin xatirəsi icma üzvləri tərəfindən ehtiramla yad edilib, ruhlarına dualar oxunub.