Seysmoloji Mərkəzin əməkdaşları onlayn konfransda iştirak ediblər
Bakı, 20 yanvar, AZƏRTAC
Seysmoloji Mərkəzin nümayəndələri “Boulder Real Time Technologies” (BRTT) (Proqram Təminatı Şirkəti) və Amerikanın “Kinemetrics” şirkəti tərəfindən keçirilən Virtual Antelope İstifadəçi Qrupunun onlayn konfransında iştirak ediblər.
Azərbaycan Milli Elmlər Akademiyası Respublika Seysmoloji Xidmət Mərkəzinin İnformasiya şöbəsindən AZƏRTAC-a bildirilib ki, iki gün davam edən onlayn konfransda “Antelope 5.12-də yeniliklər: Çətinliklər və Gələcək İstiqamətlər”, “Alyaska Zəlzələ Mərkəzinin Səlahiyyətli Kataloqunun necə yaradıldığını yenidən təsəvvür etmək”, “Buludda seysmik şəbəkələr” mövzularında məruzələr dinlənilib, təqdimatlar nümayiş etdirilib.
Konfransda AMEA nəzdində Respublika Seysmoloji Xidmət Mərkəzinin “Zəlzələlərin tədqiqatı bürosu”nun rəisi, Yer Elmləri üzrə fəlsəfə doktoru Səidə İsmayılova, büro rəisinin müavini Ruqiyyə Kərimova, büronun mühəndis-proqramlaşdırıcısı Yeganə Muradova və büronun mühəndisi Güllü Məhərrəmova iştirak ediblər.
Avqustun 30-u axşamadək əksər rayonlarda hava yağıntılı olacaq
Asif Verdiyev: Yağışlarla əlaqədar əksər çaylarda sululuq artıb
Faktiki hava: Hazırda ölkə ərazisində yağmursuz hava şəraiti hökm sürür
Sabahın hava proqnozu açıqlanıb
Faktiki hava: Bəzi yerlərdə şimşək çaxıb, arabir leysan xarakterli intensiv yağış yağıb