×
A
A
A
Sazlamalar

Bosniya və Herseqovina 2070-ci ilə kimi əhalisinin yarısını itirə bilər

Sarayevo, 20 yanvar, AZƏRTAC
BMT-nin hesablamalarına görə, Bosniya və Herseqovina 2070-ci ilə qədər əhalisinin yarısını itirəcək.
AZƏRTAC xəbər verir ki, immiqrasiya və doğum səviyyəsinin aşağı olması səbəbindən Bosniya və Herseqovina əhalisi ildə orta hesabla 1,5 faiz azalır, kiçik şəhərlər isə hər il əhalisini itirir.
Yaşam səviyyəsinin dəyərinin artması və inflyasiya səbəbindən ölkədə hər iki gəncdən biri Qərbi Avropa ölkələrinə mühacirət etmək istədiyini bildirir. 2013-cü ildəki siyahıyaalmadan sonra yarım milyon insanın Bosniya və Herseqovinanı tərk etdiyi təxmin edilir.
Demoqrafik böhran səbəbindən Bosniya və Herseqovina dünyada ən çox əhali itkisi olan ölkələrin ilk onluğunda yer alıb.

Nihad Budaqov
AZƏRTAC-ın xüsusi müxbiri
Sarayevo

Dünya 2023-01-20 07:07:00