Bakı, 17 yanvar, AZƏRTAC

Azərbaycan Həmkarlar İttifaqları Konfederasiyası (AHİK) 20 Yanvar şəhidlərinin ailələrinə birdəfəlik maddi yardım edib.
Qurumdan AZƏRTAC-a bildiriblər ki, AHİK İcraiyyə Komitəsi 20 Yanvar şəhidlərinin ailələrinə 23 min 500 manat birdəfəlik maddi yardım göstərilməsi barədə qərar qəbul edib. Belə ki, həmin kateqoriyadan olan 94 şəhid ailəsinin hər birinin bank hesabına 250 manat məbləğində birdəfəlik maddi yardım köçürülüb.
Qeyd edək ki, AHİK, eyni zamanda, şəhid ailələrinə və qazilərə, həmçinin müharibə veteranlarına maddi və mənəvi yardım göstərir.