Radio-Televiziya Yayım stansiyalarına texniki baxış keçiriləcək
Bakı, 17 yanvar, AZƏRTAC
Azərbaycanda radio yayımlarının mövcud vəziyyətinin araşdırılması və gələcək inkişafına dair təkliflərin hazırlanması məqsədilə Türkiyə Radio-Televiziya Qurumunun (TRT) nümayəndə heyəti Rəqəmsal İnkişaf və Nəqliyyat Nazirliyinin (RİNN) dəvəti ilə Azərbaycanda səfərdədir.
RİNN-dən AZƏRTAC-a bildirilib ki, TRT təmsilçiləri yanvarın 19-dək paytaxt Bakı və bölgələrdə yerləşən Radio-Televiziya Yayım stansiyalarına texniki baxış keçirəcək və radiomonitorinq aparacaqlar.
Aparılan işlərin nəticəsinə dair yekun hesabatın hazırlanması nəzərdə tutulur. Nümayəndə heyəti ölkədə radio yayımını həyata keçirən texniki vasitələrin müvafiq normativlərə uyğun istismarının təşkili və şəbəkənin optimallaşdırılmasına dair tövsiyələrini verəcək.
“Azərkosmos” gələn il fevralda keçiriləcək “Beynəlxalq Kosmik Konvensiya 2024”də iştirak edəcək
Ölkənin informasiya təhlükəsizliyi və kibertəhlükəsizliyə dair Strategiyası təsdiq olunub - SƏRƏNCAM
Azərbaycan “Digitalisation and Channel Awards 2023” mükafatlandırılma mərasimində təmsil olunacaq
“Google” şirkətinin Bakı konfransına 1000-dən çox müraciət qeydə alınıb