Ötən il elektrik enerjisinin ixracı 3,3 milyon kilovat-saat olub
Bakı, 16 yanvar, AZƏRTAC
Elektrik enerjisinə dair operativ məlumatlara əsasən, ötən il ərzində respublika üzrə elektrik enerjisinin istehsalı 2021-ci illə müqayisədə 1 milyard 113,2 milyon kilovat-saat, yəni 4 faiz artaraq 28 milyard 988,5 milyon kilovat-saat olub.
Energetika Nazirliyindən AZƏRTAC-a bildirilib ki, hesabat dövründə 2021-ci ilə nisbətən elektrik enerjisinin istehsalı istilik elektrik stansiyalarında (İES) 785,1 milyon kilovat-saat artaraq 27 milyard 43,3 milyon kilovat-saat, su elektrik stansiyalarında (SES) 318,5 milyon kilovat-saat artaraq 1 milyard 595,7 milyon kilovat-saat təşkil edib. Digər mənbələr (külək elektrik stansiyaları (KES), günəş elektrik stansiyaları (GES) və bərk məişət tullantılarının yandırılması zavodu (BMTYZ) üzrə isə elektrik enerjisinin istehsalı 349,5 milyon kilovat-saat olub. 12 ay ərzində külək elektrik stansiyalarında 83,3 milyon kilovat-saat, günəş elektrik stansiyalarında 60,9 milyon kilovat-saat, Bərk Məişət Tullantılarının Yandırılması Zavodunda isə 205,3 milyon kilovat-saat elektrik enerjisi istehsal edilib.
2022-ci il ərzində elektrik enerjisinin istehsalı “Azərenerji” ASC üzrə 26 milyard 186,9 milyon kilovat-saat (İES-lərdə 24 milyard 708,2 milyon kilovat-saat, SES-lərdə 1 milyard 478,7 milyon kilovat-saat), Naxçıvan MR Dövlət Energetika Xidməti üzrə 474,8 milyon kilovat-saat (İES-lərdə 315,84 milyon kilovat-saat, SES-lərdə 102,52 milyon kilovat-saat, GES-də 56,41 milyon kilovat-saat), “Azərişıq” ASC üzrə külək elektrik stansiyalarında 62,6 milyon kilovat-saat, müstəqil elektrik stansiyaları üzrə isə 2 milyard 264,2 milyon kilovat-saat təşkil edib.
İl ərzində elektrik enerjisinin idxalı 137,1 milyon kilovat-saat, ixrac isə 3 milyard 3,8 milyon kilovat-saat olub.
2022-ci ilin dekabr ayında isə elektrik enerjisinin istehsalı 2021-ci ilin müvafiq dövrü ilə müqayisədə 75 milyon kilovat-saat və ya 5 faiz artaraq 2 milyard 724,1 milyon kilovat-saat olub.
Ay ərzində elektrik enerjisinin idxalı 10,7 milyon kilovat-saat olmaqla 2021-ci ilin dekabr ayı ilə müqayisədə 0,1 milyon kilovat-saat, ixrac isə 463 milyon kilovat-saat olmaqla 2021-ci ilin müvafiq dövrünə nisbətən 177,2 milyon kilovat-saat artıb.
“Azərişıq”: Kəlbəcər Rəqəmsal İdarəetmə Mərkəzinin tikintisi davam edir
Macarıstan gələn il Türkiyədən qaz tədarükünə başlayacaq
Azərbaycanda elektrik enerjisi istehsalı artıb
Mingəçevirdə müstəqillik dövrünün ən böyük elektrik stansiyası tikilir
“Azərişıq” ASC Hacıqabulda yenidənqurma işlərini davam etdirir