Builki Formula 1 Azərbaycan Qran-Prisinə bilet satışı son 6 yarışla müqayisədə rekord həddə yüksəlib
Bakı, 12 yanvar, AZƏRTAC
Cari ildə keçiriləcək Formula 1 Azərbaycan Qran-Prisinə bilet satışı davam edir. Bilet satışının göstəriciləri ötən illə müqayisədə iki dəfə artıb.
Yarışın təşkilatçısı Bakı Şəhər Halqası Əməliyyat Şirkətindən AZƏRTAC-a bildiriblər ki, göstəricilər son 6 yarışla müqayisədə rekord həddə yüksəlib. Biletlər ötən il dekabrın 15-dən satışdadır və yarışı izləmək istəyənlər 20 faiz endirimlə təklif olunan kampaniyadan yanvarın 15-dək yararlana bilərlər. Ümumilikdə biletlər yarışadək satışda olacaq.
İlkin endirim kampaniyası müddətində ayaqüstü yerlər üçün biletlər 40 manatdan 120 manatadək, tribuna biletləri 160 manatdan 690 manatadək, azyaşlılar üçün biletlər isə 110 manatdan 480 manatadək olan qiymət aralığındadır. Yanvarın 15-dən sonra biletlərin satışı tam qiymətlərlə davam etdiriləcək.
Qeyd edək ki, Formula 1 Azərbaycan Qran-Prisi aprelin 28-30-da Bakı şəhər halqasında keçiriləcək.
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir