Abşeron Milli Parkına fototur təşkil olunub
Bakı, 11 yanvar, AZƏRTAC
Yanvarın 11-də Dünya Qoruqlar və Milli Parklar Günü ilə əlaqədar olaraq Abşeron Milli Parkında Azərbaycan Fotoqraflar Birliyinin üzvləri üçün “Şah Dili fotoyaddaşda” fototuru təşkil olunub.
Ekologiya və Təbii Sərvətlər Nazirliyinin mətbuat xidmətindən AZƏRTAC-a verilən məlumata görə, peşəkar fotoqraflardan ibarət qrup Abşeron yarımadasının cənub-şərq qurtaracağında, Şah Dili adlanan ərazidə yerləşən və üç tərəfdən dənizlə əhatə olunan milli parkın füsunkar təbiətini, sahilboyu ərazidə məskunlaşmış quşları müşahidə edib, fotokameralar ilə zərif flaminqoların və digər quşların ecazkar görüntülərini, eləcə də yarımadanın cənub-şərq nöqtəsini Xəzərlə birləşdirən Şah Dilini lentə alıblar.
Fotoqraflara milli parkın ərazisi, flora və faunası haqqında, quşların miqrasiya mövsümü barədə məlumatlar verilib. Fototur Şah Dili gəzintisi ilə başa çatıb.
Avqustun 30-u axşamadək əksər rayonlarda hava yağıntılı olacaq
Asif Verdiyev: Yağışlarla əlaqədar əksər çaylarda sululuq artıb
Faktiki hava: Hazırda ölkə ərazisində yağmursuz hava şəraiti hökm sürür
Sabahın hava proqnozu açıqlanıb
Faktiki hava: Bəzi yerlərdə şimşək çaxıb, arabir leysan xarakterli intensiv yağış yağıb