Ağdam, 7 yanvar, AZƏRTAC

Ağdam rayonunda cari ilin əkinləri üçün 26 min 838 hektar sahədə şum aparılıb, 21 min 624 hektar sahədə dən və yaşıl yem üçün payızlıq bitkilər səpilib.
Rayon Statistika İdarəsindən AZƏRTAC-ın bölgə müxbirinə bildirilib ki, payızlıq səpinlərin 1062 hektarını yaşıl yem, 16 min 874 hektarını dən üçün buğda, 3 min 688 hektarını dən üçün arpa təşkil edir. Torpaq mülkiyyətçiləri yazlıq bitkilərin əkini üçün nəzərdə tutulmuş sahələrdə hazırlıq işləri aparırlar.