Bakı, 6 yanvar, AZƏRTAC

Bakı şəhərində tullantıların təmizlənməsi ilə bağlı xeyli işlər görülüb. Balaxanı tullantıların təmizlənməsi zavodunda çeşidlənmə işləri həyata keçirilir.
AZƏRTAC xəbər verir ki, bunu Dövlət Ekoloji Təhlükəsizlik Xidmətinin rəisi Hikmət Əlizadə bu gün keçirilən mətbuat konfransında deyib.
Onun sözlərinə görə, regionlarda tullantıların təmizlənməsi ilə bağlı vəziyyət ürəkaçan deyil: "Poliqonlarda məişət tullantıları qalaqlanıb. Bəzi vətəndaşlar tullantıları o ərazilərdə yandırır və bu çox acınacaqlı vəziyyətə gətirir. Tullantıların təmizlənməsi səlahiyyətləri icra hakimiyyəti orqanlarına aiddir. Bizim funksiyamız işi düzgün icra etməyən orqanlara cərimələrin, məcburi göstərişlərin tətbiq edilməsidir. Təəssüf ki, cərimə problemin həlli deyil”.