Meşəbərpa tədbirləri bayram günlərində də davam etdirilir
Bakı, 3 yanvar, AZƏRTAC
Regional Meşə Təsərrüfatı mərkəzlərinin əməkdaşları ölkə ərazisində əlverişli hava şəraitindən istifadə edərək bayram və tətil günlərində də meşəbərpa tədbirləri görürlər.
AZƏRTAC xəbər verir ki, bunu Meşələrin İnkişafı Xidmətinin rəsmisi Cabbar Qəribov bildirib.
O qeyd edib ki, hazırda Siyəzən, Masallı, Şamaxı, Şəki və Bərdə rayonlarının meşə fondu torpaqlarında meşə əkini və səpini işləri həyata keçirilir, ümumilikdə 15 hektar sahədə tut, akasiya, ağcaqayın, göyrüş ağacları əkilir, palıd toxumu səpilir.
"Şəmkir, Sabirabad, Ağcabədi, Göygöl, Quba, Qəbələ, Lənkəran və digər rayonların meşə sahələrində də meşəbərpa tədbirlərinin aparılması məqsədilə torpaq hazırlıq işləri yerinə yetirilir", - deyə söyləyən C.Qəribov əlavə edib ki, əkinlərdə istifadə etmək məqsədilə Regional Meşə Təsərrüfatı Mərkəzlərinin tinglik sahələrində ting yetişdirilməsi üçün tədarük olunan toxumların səpini işləri də davam etdirilir.
Hava proqnozu: paytaxtda 19, bölgələrdə 22 dərəcə isti olacaq
Ağcabədi Regional Meşə Təsərrüfatı Mərkəzi "Dostluq Meşəsi"ndə 63 mindən çox ağac əkib
Bu il Şabran Regional Meşə Təsərrüfatı Mərkəzi tərəfindən 33 min ağac əkiləcək
Ekspertlər: İstixana qazları tullantılarını azaltmağın bir sıra səmərəli üsulları mövcuddur