×
A
A
A
Sazlamalar

İstehlaka yararsız müxtəlif növ qida məhsulları məhv edilib

Bakı, 30 dekabr, AZƏRTAC

Qida Təhlükəsizliyi Agentliyi istehlakçı hüquqlarının qorunması və qida təhlükəsizliyinin təmin olunması üçün müvafiq tədbirlər görür, həmçinin bu sahədə sahibkarlıq subyektləri ilə əməkdaşlığı davam etdirir.
Agentliyin İnformasiya təminatı və innovativ həllər şöbəsindən AZƏRTAC-a verilən məlumata görə, həmin çərçivədə “Sun Food” Məhdud Məsuliyyətli Cəmiyyətdən istehlaka yararsız və istifadə müddəti bitmiş qida məhsullarının məhv edilməsi ilə bağlı müraciətlər daxil olub.
Müraciətlər əsasında həmin cəmiyyət tərəfindən tədarük olunmuş, ümumi çəkisi 22,905 ton təşkil edən müxtəlif növ süd məhsulları və 88,85 ton çəkisi olan müxtəlif növ digər qida məhsulları “Təmiz Sumqayıt-Kənan” MMC-nin tullantıların zərərsizləşdirilməsi poliqonunda məhv edilib.

Sosial 2022-12-30 14:09:00