Bakı, 8 dekabr, AZƏRTAC

Dekabrın 8-də İcbari Tibbi Sığorta üzrə Dövlət Agentliyinin təşəbbüsü və Danimarkanın “Novo Nordisk” şirkətinin dəstəyi ilə “Sağlam çəkiyə doğru” layihəsinin təqdimatı olub.
AZƏRTAC xəbər verir ki, tədbirdə əhali arasında artıq çəki ilə mübarizə və sağlam qidalanma istiqamətində maarifləndirməni artırmaq məqsədilə yaradılmış onlayn platforma (saglamceki.az) nümayiş olunub. Fiziki aktivlik və sağlam qidalanmanı təbliğ edən portal gələn il istifadəyə veriləcək.