×
A
A
A
Sazlamalar

Lökbatan qəsəbəsində yeni ağac kəsintisi faktı qeydə alınmayıb

Bakı, 7 dekabr, AZƏRTAC

Bu ilin aprel ayında paytaxtın Qaradağ rayonunun Lökbatan qəsəbəsi, Seymur Orucov küçəsində altı ağacın qanunsuz kəsilməsi nəticəsində təbiətə dəyən ziyanın məbləği cinayət tərkibi yaratdığından toplanmış sənədlər Azərbaycan Respublikasının Baş Prokurorluğuna göndərilib. Ərazidəki ağaclar isə sayılaraq qeydiyyata alınıb.
Bu barədə AZƏRTAC-a Dövlət Ekoloji Təhlükəsizlik Xidmətinin rəsmisi Vaqif Cavadov məlumat verib.
Xidmət rəsmisinin sözlərinə görə, bu gün həmin əraziyə təkrar baxış keçirilib və nəticədə yeni ağac kəsintisi faktı qeydə alınmayıb.

Ekologiya 2022-12-07 17:43:00