×
A
A
A
Sazlamalar

Beynəlxalq tədbirdə azərbaycanlıların Brest qalasının müdafiəsində iştirakından danışılıb

Bakı, 6 dekabr, AZƏRTAC

Rusiya Federasiyasının Həştərxan şəhərində “Gənclərin vətənpərvərlik tərbiyəsi və vətənin müdafiəsi zamanı həlak olanların xatirəsinin əbədiləşdirilməsi” adlı onlayn beynəlxalq konfrans keçirilib. Konfransda Milli Azərbaycan Tarixi Muzeyinin Beynəlxalq əlaqələr və ictimaiyyətlə iş şöbəsinin elmi işçisi Fuad Ağayev “Milli Azərbaycan Tarixi Muzeyinin kolleksiyasında Brest qalası müdafiəçilərinin materialları” mövzusunda məruzə ilə çıxış edib.
Bu barədə AZƏRTAC-a institutdan bildirilib. Qeyd olunub ki, məruzədə azərbaycanlıların Brest qalasının müdafiəsində iştirakı ilə bağlı məsələlərə toxunulub. Mövzu ilə bağlı verilmiş suallar məruzəçi tərəfindən ətraflı cavablandırılıb.

Elm və təhsil 2022-12-06 18:08:00