Bakı, 5 dekabr, AZƏRTAC

Əlli ildən sonra yenidən Beynəlxalq Astronavtika Konqresi Bakıya qayıdır və bu, çox simvolikdir. Mütəxəssislər, gənc akademiklər, mühəndislər Bakıya gələrək kosmosla bağlı bütün müasir mövzular ətrafında müzakirələr aparacaqlar.
Bunu AZƏRTAC-a açıqlamasında Beynəlxalq Astronavtika Federasiyasının icraçı direktoru Kristian Faytinger söyləyib.
O bildirib ki, konqres çoxşaxəli tədbirdir və beş gün ərzində iki mindən çox təqdimat, kosmik sərgi və dünyanın müxtəlif yerlərindən bir çox insanlarla əlaqə yaratmaq imkanı var.
“Biz Bakıya qayıtdığımız üçün çox şadıq və ev sahibi Azərkosmosa indiyə qədər görülmüş böyük işlərə və böyük əməkdaşlığa görə təşəkkür edirik. Konqresə dünyanın hər yerindən kütləvi iştirakın olmasını səbirsizliklə gözləyirik”, - deyə icraçı direktor qeyd edib.