İmişli, 5 dekabr, A.Yavərzadə, AZƏRTAC
İmişlinin Yuxarı Qaralar kəndində məktəb binasında baş verən yanğın söndürülüb.
AZƏRTAC-ın bölgə müxbiri xəbər verir ki, çağırış üzrə əraziyə FHN-in Dövlət Yanğından Mühafizə Xidmətinin yanğından mühafizə bölmələrinin 7 texnikası cəlb olunub.
Alovun yayılmasının qarşısı alınıb və yanğın söndürülüb.
Məktəb binası 282 şagird yerlikdir. Yanğının elektrik xətlərindəki qısaqapanmadan baş verdiyi ehtimal olunur.

17:31
İmişli rayon Yuxarı Qaralar kəndində məktəb binasında yanğın başlayıb.
AZƏRTAC-ın bölgə müxbiri xəbər verir ki, məktəb binasının dam örtüyündə baş verən yanğının söndürülməsi üçün FHN-in Dövlət Yanğından Mühafizə Xidmətinin yanğından mühafizə bölmələri çağırış üzrə əraziyə cəlb olunub.