Azərbaycan və Rusiyanın mədəniyyət xadimləri Bakıda dialoq aparacaq
Bakı, 3 dekabr, AZƏRTAC
Dekabrın 5-6-da Rusiyanın Mədəniyyət Nazirliyi Bakıda mədəniyyət xadimlərinin Rusiya-Azərbaycan dialoqunu və Rusiya-Azərbaycan kitabxana forumunu keçirəcək.
Rusiya İnformasiya-Mədəniyyət Mərkəzinin mətbuat xidmətində AZƏRTAC-a bildiriblər ki, dekabrın 5-də Bakıdakı Rus evində təşkil olunacaq mədəniyyət xadimlərinin Rusiya-Azərbaycan dialoqu çərçivəsində “Rusiya və Azərbaycanın mədəniyyət xadimlərinin dialoqu. 30 il uğurlu əməkdaşlıq” mövzusunda plenar iclas keçiriləcək. İclasda yaxın illər üçün mədəniyyət sahəsində ikitərəfli əməkdaşlıq perspektivlərinin müzakirəsi və kino sahəsində Rusiya-Azərbaycan əməkdaşlığına həsr olunmuş dəyirmi masa planlaşdırılır. Həmçinin Dövlət Mərkəzi Kino Muzeyinin sərgisi açılacaq.
Dekabrın 6-da Bakıdakı Rus evində Rusiya-Azərbaycan kitabxana forumu – kitabxanaların əməkdaşlığının inkişafına istiqamətlənən xüsusi tədbir təşkil olunacaq. Forumun gedişində plenar iclas, “Kitabxana fondunun inkişafı və qorunub saxlanması” və “Kitabxanaların fəaliyyətində rəqəmsal transformasiya” adlı iki tematik dəyirmi masa, eləcə də “Smolensk qalası” Dövlət muzeyinin sərgisinin təntənəli açılışı gözlənilir.
Mədəniyyət naziri Birləşmiş Ərəb Əmirliklərindən olan həmkarı ilə görüşüb
Nəsibə Zeynalovanın anadan olmasının 108-ci ildönümü tamam olur
Bakı Kitab Mərkəzində “Azərbaycan İrəvanı” sənədli filmi təqdim olunub
Cəfər Cabbarlının 125 illik yubileyi qeyd olunub
Cenevrədə keçiriləcək “Türk həftəsi”ndə türkdilli dövlətlərin mədəni irsi tanıdılacaq