Koreya Respublikasından üçüncü cəhd, məğlubiyyətlə gələn qrup liderliyi FOTOREPORTAJ
Bakı, 2 dekabr, AZƏRTAC
Koreya Respublikasının futbol millisi Qətərdə keçirilən dünya çempionatının H qrupunun üçüncü turunda Portuqaliya yığmasına 2:1 hesabı ilə qalib gəlib. Aktivindəki xalların sayını 4-ə çatdıran komanda Uruqvay millisi ilə eyni xal toplasa da, əlavə göstəricilərə görə qrup ikincisi kimi mərhələ adlayıb. Məğlubiyyətə baxmayaraq Portuqaliya millisi 6 xalla qrup lideri olub.
Koreya Respublikası millisi özünün futbol tarixində üçüncü dəfə mundialın pley-off mərhələsinə yüksəlib. Komanda 2002-ci və 2010-cu il çempionatlarında da mərhələ adlamağı bacarıb. Seçmənin ən uğurlu nəticəsi Koreya Respublikası və Yaponiyanın birgə ev sahibliyi etdiyi dünya çempionatında yarımfinalda iştirak olub.
Portuqaliya millisi dünya çempionatları tarixində ilk dəfə hesabı açdığı oyunda məğlub olub. Koreya Respublikası ilə oyunda 5-ci dəqiqədə Rikardo Orta fərqlənib. İndəyədək 18 oyunda hesabı açan Portuqaliya seçməsi həmin görüşlərdən 15-də qələbə sevinci yaşayıb. Digər oyunlar heç-heçə yekunlaşıb.
AZƏRTAC Koreya Respublikası – Portuqaliya oyunundan maraqlı görüntüləri təqdim edir. Fotolar “Çempionat” saytının fotomüxbirinə məxsusdur.
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir