Bakı, 1 dekabr, AZƏRTAC

Azərbaycan Memarlıq və İnşaat Universitetinin (AzMİU) bir qrup tələbəsi “Norm” ASC-də istehsalat təcrübəsində olacaq.
AzMİU-dan AZƏRTAC-a bildirilib ki, təcrübəyə cəlb olunacaq tələbələrin seçimi üçün “Norm” ASC-nin nümayəndələri tərəfindən müsabiqə keçirilib. Müsabiqədə 25 tələbənin məntiqi təfəkkürü, dil biliyi və dünyagörüşü yoxlanılıb.
Müsabiqədən keçən tələbələr gələn ilin fevral ayından “Norm”da ixtisasları üzrə istehsalat təcrübəsinə başlayacaqlar.