×
A
A
A
Sazlamalar

Sumqayıta həsr olunan monoqrafiya şəhərin 70 illik inkişaf yoluna işıq salır

Sumqayıt, 1 dekabr, AZƏRTAC

Sumqayıtın 70 illik iqtisadi və sosial inkişaf yolundan bəhs edən “Azərbaycanın sosial-iqtisadi inkişafında Sumqayıt şəhərinin strateji əhəmiyyəti” adlı monoqrafiyada şəhərin strateji əhəmiyyəti kompleks və sistemli şəkildə araşdırılıb.
AZƏRTAC xəbər verir ki, Sumqayıt Dövlət Universitetinin professoru Şəfa Əliyevin müəllifi olduğu “Azərbaycanın sosial-iqtisadi inkişafında Sumqayıt şəhərinin strateji əhəmiyyəti” adlı monoqrafiyanın təqdimatı keçirilib.
Təqdimat mərasimindəki çıxışlarda şəhərin sosial-iqtisadi inkişafının tarixi-iqtisadi aspektlərinin, sənaye potensialının və infrastrukturunun yaradılması proseslərinin elmi metodologiya əsasında araşdırıldığı qeyd edilib. Həmçinin Sumqayıtın sənaye və elmi-texniki potensialının təhlili aparılıb, şəhərin sənaye potensialının modernizasiya prosesləri qiymətləndirilib. Bildirilib ki, monoqrafiyada Sumqayıt şəhərinin sosial-iqtisadi inkişafında Ümummilli Lider Heydər Əliyevin tarixi rolu araşdırılıb, şəhərin güclü sənaye mərkəzi kimi formalaşmasında xidmətləri xatırlanıb. Azərbaycanın sosial-iqtisadi inkişafının yeni mərhələyə qaldırılmasında Sumqayıtın strateji əhəmiyyəti tədqiq olunub, şəhərin sənaye mərkəzi kimi modernləşdirilməsində Prezident İlham Əliyevin qayğısı diqqətə çatdırılıb.
Monoqrafiyanın elmi işçilər və mütəxəssislər, Sumqayıtın sosial-iqtisadi inkişaf prosesləri ilə maraqlanan tədqiqatçılar, geniş oxucu kütləsi və şəhərin qonaqları üçün nəzərdə tutulduğu vurğulanıb.

 

 

Regionlar 2022-12-01 11:35:00