Zaqatalada gənclər üçün təcrübə proqramına start verilib
Zaqatala, 29 noyabr, Mustafa Dadaşov, AZƏRTAC
Gənclərin İnkişaf və Karyera Mərkəzinin (GİKM) Zaqatala nümayəndəliyində “Gənc kadr-3” təcrübə proqramına start verilib.
Nümayəndəlikdən AZƏRTAC-ın bölgə müxbirinə bildirilib ki, təcrübə proqramına müraciət edən gənclər üçün əvvəlcə müsahibə mərhələsi keçirilib. Bu mərhələdən uğurla keçən namizədlər “İctimaiyyətlə əlaqələr və sosial media işinin təşkili”, “Tədbirlər və layihələr işinin təşkili”, “Təlim-tədris işinin təşkili” və “Könüllülərlə işin təşkili” istiqamətləri üzrə 3 aylıq təcrübə proqramına cəlb olunublar.
Gənclərə seçdikləri istiqamətlər üzrə mütəxəssislər tərəfindən bilik və bacarıqlar öyrədilir, gənclərlə işin təşkili prosesi haqqında məlumat verilir.
Nümayəndəlikdən bildirilib ki, 3 aylıq təcrübə proqramının sonunda imtahan təşkil olunacaq və proqramı uğurla tamamlayan gənclər sertifikatla təltif ediləcəklər.
İranda baş verən zəlzələ Naxçıvan Muxtar Respublikasında hiss olunub - YENİLƏNİB
Ağdamda eyni gündə doğulub, eyni gündə də şəhid olan qardaşların xatirəsi anılıb
Qax Damazlıq İpəkçilik Stansiyasında 4785 qutu ipəkqurdu toxumu inkubasiyaya qoyulacaq
Naxçıvançaydan Heydər Əliyev su anbarına bərk tullantılar daxil olub
Otuza yaxın şəhid övladı Ağbulaq İstirahət Mərkəzində istirahət edib