Ukraynada müharibəyə haqq qazandırılması Çexiya qanunlarına görə kriminal əməl sayılır
Praqa, 29 noyabr, AZƏRTAC
Çexiya Prokurorluğu Ukraynada gedən müharibəni açıq surətdə bəyənən və dəstəkləyən 49 şəxsə qarşı ittiham irəli sürüb.
AZƏRTAC xəbər verir ki, bu məlumat Çexiya televiziyasının bugünkü xəbər buraxılışında yayılıb. Ölkədə sosial şəbəkələrin monitorinqi göstərir ki, müdaxilə məddahlarının sayı artmaqdadır, bu isə həm Çexiya hökumətinin, həm də bütövlükdə Avropa İttifaqının mövqeyinə ziddir. Təkcə oktyabr ayı ərzində Ukraynada müharibənin açıq-aşkar bəyənilməsi ilə bağlı 83 fakt qeydə alınıb, 44 şəxsə qarşı ittiham təqdim edilib.
Xatırladaq ki, Çexiyada qüvvədə olan qanuna görə 2022-ci il fevralın 24-dən etibarən Rusiya Federasiyası Silahlı Qüvvələrinin Ukraynadakı fəaliyyətinə haqq qazandıranlar cəzalandırılır.
ABŞ xaricdə izləmə proqramının fəaliyyətini daha iki il uzadır
Rusiyalı üç paraşütçü stratosferdən Şimal Qütbünə enib
Astanada ŞƏT-ə üzv ölkələrin müdafiə nazirlərinin iclası keçiriləcək
ABŞ dövlət istiqrazlarının gəlirliliyi geosiyasi risklərə görə azalır
Ekvadorda enerji böhranı ilə əlaqədar iki ay müddətinə fövqəladə vəziyyət rejimi tətbiq edilib