Almaniya Rusiya qazına alternativ tapa bilmir
Bakı, 29 noyabr, AZƏRTAC
Almaniya hələ də Rusiyadan qaz tədarükünə real alternativ tapa bilməyib. Qətərdən maye qazın idxalına dair saziş Almaniyanın bu yanacağa olan ehtiyacının yalnız kiçik hissəsini ödəyəcək.
AZƏRTAC xəbər verir ki, bu fikri Almaniya Bundestaqının Enerji və İqlim Komitəsinin rəhbəri Klaus Ernst özünün “Twitter” səhifəsində yazıb.
“Almaniya hökuməti maye qaz tədarükünə dair Qətərlə müqavilə bağlayaraq bununla öyünür. Reallıqda isə Qətərdən alınacaq iki milyon ton maye qaz ölkənin tələbatının yalnız üç faizinə bərabərdir. Almaniya Rusiya qazına hələ də real alternativ tapa bilməyib”, - deyə o qeyd edib.
“Qatar Energy” 2026-cı ildən başlayaraq Almaniyaya maye qaz tədarükü ilə bağlı ABŞ-ın “ConocoPhillips” kompaniyası ilə 15 illik müqavilə imzalayıb. Müqaviləyə əsasən, Doha Almaniyaya 2 milyon tona yaxın maye qaz ixrac edəcək.
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır