Bakı, 29 noyabr, AZƏRTAC

Noyabrın 26-da Masallı rayonu ərazisindəki postda “Opel” markalı avtomobil Daxili İşlər Nazirliyinin (DİN) Baş Dövlət Yol Polisi İdarəsinin əməkdaşları tərəfindən saxlanılıb.
DİN-in mətbuat xidmətindən AZƏRTAC-a bildiriblər ki, polis əməkdaşları tərəfindən sürücü, Sumqayıt şəhər sakini Azər Əhmədzadənin narkotik vasitə qəbul etməsi müəyyənləşdirildiyindən onun barədə İnzibati Xətalar Məcəlləsinin 333.2-ci maddəsi ilə protokol tərtib olunub.
Masallı Rayon Məhkəməsinin qərarı ilə A.Əhmədzadə iki il müddətinə sürücülük hüququndan məhrum edilməklə 10 gün müddətinə inzibati qaydada həbs edilib.