Lerik, 29 noyabr, İlkin Adıyev, AZƏRTAC

Lerik rayonu ərazisində küçə və parklar abadlaşdırılır, yeni infrastruktur yaradılır, yaşıllıqlar salınır.
AZƏRTAC-ın bölgə müxbiri xəbər verir ki, Lerik sakinlərinin, həmçinin rayona gələn turistlərin məmnunluğunu və rahatlığını təmin etmək məqsədilə infrastruktur layihələri sırasında yolların təmiri, səki və meydanların yenidən qurulması əsas hədəflərdən biridir.
Rayonun Heydər Əliyev Meydanı, Milli Qəhrəman R.Abdullayev, şəhid Ə.Yaqublu, E.Səfərov, E.Əsədullayev adına olan küçələr əsaslı təmir edilir, abadlıq işləri görülür, həmçinin Hıramo kəndinə gedən yolda istinad divarları tikilir.
Qeyd edək ki, bu işlər vətəndaşlar tərəfindən qaldırılan problemlər, verilən təkliflər nəticəsində mərhələli şəkildə həyata keçirilir.