Bakı, 29 noyabr, AZƏRTAC

Cari ilin 10 ayı ərzində 173 qadın sahibkara 6,4 milyon manat güzəştli kredit verilib.
AZƏRTAC Sahibkarlığın İnkişafı Fonduna istinadla xəbər verir ki, ötən ilin müvafiq dövründə bu göstərici 115 qadın sahibkar üzrə 6,8 milyon manat təşkil edib. Bu ilin yanvar-oktyabr ayları ərzində gənc sahibkarların 74 layihəsi maliyyələşdirilib və bu məqsədlə 9 milyon manat vəsait ayrılıb. 2021-ci ilin müvafiq dövründə isə 48 gənc sahibkar 2 milyon manat güzəştli kredit vəsaitindən faydalanıb.