×
A
A
A
Sazlamalar

Dünya mətbuatı Azərbaycan-ABŞ Mədəniyyət Fondunun təşəbbüsündən yazır

Bakı, 28 noyabr, AZƏRTAC

Dünyanın 350-dən çox media orqanı, o cümlədən dünyada tanınan “Associated Press” (AP), “Fox News” və “Yahoo” Azərbaycan-ABŞ Mədəniyyət Fondunun təşəbbüsü haqqında məqalələr çap ediblər.
AZƏRTAC xəbər verir ki, məqalə 44 günlük Vətən müharibəsi dövründə qismən görmə qabiliyyətini itirmiş 24 yaşlı azərbaycanlı əsgər Arif Hacıyevin israilli donor tərəfindən verilən və eyni ölkənin həkimi İşhay Falik tərəfindən aparılan əməliyyatdan sonra görmə qabiliyyətinin bərpa etməsinə həsr olunub. Məqalədə həmçinin bildirilir ki, Arif Hacıyev dekabrın 18-də İsrailə gedəcək və orada həm donorun ailəsi, həm də onu əməliyyat etmiş həkimlə görüşəcək.
Dünya mətbuatında çıxan xəbərlərin linklərini diqqətinizə çatdırırıq:
https://apnews.com/press-release/pr-newswire/europe-middle-east-israel-azerbaijan-fb5429efd5052d0eba78f185b5e81523 (Associated Press)
https://fox8.com/news/business/press-releases/cision/20221125SF47178/newsblaze-announces-us-az-cultural-foundation-humanitarian-gratitude-visit-to-israel/ (Fox News)
https://finance.yahoo.com/news/newsblaze-announces-us-az-cultural-151300820.html (Yahoo)
Azərbaycan-ABŞ Mədəniyyət Fondunun, Azərbaycan Respublikasının Diasporla İş üzrə Dövlət Komitəsinin, İsrailin Azərbaycandakı səfirliyi və geniş ictimaiyyətin dəstəyi ilə baş tutan səfərdə Nurit Qrinqer və Eti El-Kiss Arif Hacıyevi İsrailə səfərdə müşayiət edəcəklər. Ölkənin tarixi yerlərini ziyarət etməklə yanaşı, Arif Hacyev yerli siyasətçilərlə də görüşmək imkanı qazanacaq.
Xanım Qrinqer bu ilin iyulunda Azərbaycana səfəri zamanı “NewsBlaze” nəşri üçün “Azərbaycanın Müharibə Qəhrəmanları: Şücaət və Ümid” məqaləsini hazırlayarkən Arif Hacıyevlə tanış olub (https://newsblaze.com/world/eurasia/azerbaijan-war-heroes -valor_184241/) və Arifin İsrailə getməsi təşəbbüsünü qaldırıb.
ABŞ-Azərbaycan Mədəniyyət Fondu (https://www.us-az-culturalfoundation.com/) Azərbaycan, ABŞ və İsrail arasında elm, mədəniyyət, media, kino sahələrdə münasibətlərin yaxınlaşmasına töhfə vermək üçün təsis edilib.

 

Cəmiyyət 2022-11-28 11:29:00