Gənclər Təşkilatlarının V Konqresi keçiriləcək
Bakı, 27 noyabr, AZƏRTAC
Dekabrın 8-dən 10-dək Gənclər Paytaxtı Tovuz şəhərində Gənclər Təşkilatlarının V Konqresi təşkil olunacaq.
AZƏRTAC Gənclər və İdman Nazirliyinin saytına istinadla xəbər verir ki, konqres nazirliyin, Gənclər Fondunun və Gənclər Təşkilatları Milli Şurasının birgə təşkilatçılığı ilə keçiriləcək.
Artıq 5-ci dəfə təşkil olunan konqres gənclər təşkilatlarının yeni tərəfdaşlıq əlaqələri qurmalarına dəstək olmaq, gənclərlə iş və gənclər siyasəti ilə bağlı aktual mövzular haqqında fikir mübadiləsi aparmaq və gənclər təşkilatlarının idarə edilməsi sahəsində yeni mexanizmlərin yaradılmasını təmin etmək məqsədi ilə təşkil olunacaq.
Konqresdə iştirak etmək üçün https://forms.gle/4BBuK39auSEx9Xqm7 linki vasitəsilə qeydiyyatdan keçmək mümkündür.
Qeyd olunub ki, konqresdə ancaq gənclər təşkilatlarının rəhbərləri iştirak edə bilərlər.
Bakıda Qafqaz Albaniyası mövzusuna həsr olunmuş XI beynəlxalq elmi konfrans başa çatıb
FHN: “Taxta bazarı” adlanan ərazidə baş vermiş yanğın söndürülüb VİDEO
“Taxta bazarı” adlanan ərazidə baş vermiş yanğın məhdudlaşdırılıb VİDEO
“Taxta bazarı”ndakı yanğının söndürülməsinə 15 texnika və 70 nəfər cəlb olunub