×
A
A
A
Sazlamalar

“Yeni adlar” layihəsi davam edir

Bakı, 26 noyabr, AZƏRTAC

Dekabrın 20-də Müslüm Maqomayev adına Azərbaycan Dövlət Akademik Filarmoniyasında “Yeni adlar” layihəsi çərçivəsində konsert proqramı təşkil ediləcək.
AZƏRTAC xəbər verir ki, gecədə Azərbaycan Dövlət Xalq Çalğı Alətləri (bədii rəhbər və baş dirijor Ağaverdi Paşayev, solistlər qanun ifaçısı Aişə Əmrahova və tar ifaçısı Hüseyn Quliyev) çıxış edəcək.
Qeyd edək ki, “Yeni adlar” layihəsinin məqsədi milli musiqimizin və mədəni irsimizin qorunması, eləcə də ifaçılıq sənətinin inkişafı və təbliği istiqamətinə töhfə verməkdir. Layihə eyni zamanda Azərbaycan ifaçılıq sənətində olan yeni istedadlı nəslin tanınmasına, parlaq ifaçıların yetişməsinə, o cümlədən musiqi sənətimizi dərindən bilən və onu dərk edərək, böyük sevgi hissi ilə ifa edən ifaçıların sayının artmasına xidmət edir. Gənc ifaçıların tanınmış dirijorların rəhbərliyi altında simfonik, kamera və xalq çalğı alətləri orkestrləri ilə Azərbaycanın mötəbər konsert zallarında ifası üçün belə imkanların yaradılması onların inkişafına böyük təkandır.

Mədəniyyət 2022-11-26 17:02:00