Bakı, 25 noyabr, AZƏRTAC

Fövqəladə Hallar Nazirliyinin (FHN) 112-qaynar telefon xəttinə Sumqayıt şəhərinin 26-cı məhəllədə dördmərtəbəli yaşayış binasında bir vətəndaşın köməksiz vəziyyətdə qalması barədə məlumat daxil olub.
Nazirliyin mətbuat xidmətindən AZƏRTAC-a bildiriblər ki, məlumatla əlaqədar dərhal FHN-in Sumqayıt Regional Mərkəzinin Xüsusi Xilasetmə Hissəsinin və Sumqayıt şəhər Dövlət Yanğından Mühafizə Hissəsinin müvafiq xilasetmə qüvvələri hadisə yerinə cəlb olunublar.
Hadisə yerində əməliyyat şəraiti qiymətləndirilərkən məlum olub ki, 1998-ci il təvəllüdlü Həsənov Nahid Eyvaz oğlu dördmərtəbəli binanın dördüncü mərtəbəsinin eyvanından yıxılaraq ikinci mərtəbədəki mənzilin artırma hissəsinin üzərinə düşüb və köməksiz vəziyyətdə qalıb.
Xilasedicilər xilasetmə vasitələrindən və avtonərdivandan istifadə etməklə vətəndaşa müvafiq kömək göstərərək aşağı düşürüb, təcili tibbi yardım briqadasına təhvil veriblər.