Siyəzən, 24 noyabr, Elxan Yusifli, AZƏRTAC

Gənclərin İnkişaf və Karyera Mərkəzinin Siyəzən nümayəndəliyinin təşkilatçılığı ilə kəndlərdə yaşayan gənclər üçün “1 Kitab – 1 Gələcək” layihəsi davam edir.
AZƏRTAC-ın bölgə müxbiri xəbər verir ki, layihənin məqsədi kəndlərdə yaşayan gənclərin əlavə dərs və test vəsaitlərinə əlçatanlığını təmin etməkdir.
Noyabr ayı ərzində layihə Beşdam və Balaca Həmyə kəndlərini əhatə edib. Bu iki kənddə gənclər dərs və test vəsaitləri ilə təmin olunub. İndiyə kimi layihədən 100-ə yaxın gənc faydalanıb.
Qeyd edək ki, “1 Kitab - 1 Gələcək” layihəsi dekabr ayında da davam edəcək.