Ağdaş, 24 noyabr, AZƏRTAC

Ağdaş rayonunda cari ilin on ayında bağlardan 31 min 762 ton meyvə yığılıb. Bu göstərici ötən ilin eyni dövrü ilə müqayisədə 524,5 ton və ya 1,7 faiz çoxdur.
Rayon Statistika İdarəsindən AZƏRTAC-ın bölgə müxbirinə verilən məlumatda bildirilir ki, Ağdaşda 3401,4 hektar meyvə bağı var. Bunun 1408,1 hektarı xurma bağlarıdır. On ayda bağlardan 19 min 652 ton xurma, 4250,6 ton alça, 2602,4 ton nar, 1475,1 ton gilas, 1197,9 ton heyva, 653, 6 ton gavalı və digər meyvələr yığılıb.