Ağcabədidə növbəti maarifləndirmə tədbiri “Məişət zorakılığına qarşı mübarizə” mövzusunda olub
Ağcabədi, 24 noyabr, AZƏRTAC
Ağcabədi Rayon Gənclər və İdman İdarəsinin təşkilatçılığı ilə Pedaqoji Kollecdə “Məişət zorakılığına qarşı mübarizə” mövzusunda maarifləndirmə tədbiri keçirilib.
AZƏRTAC-ın bölgə müxbiri xəbər verir ki, Ağcabədi Rayon Gənclər və İdman İdarəsinin rəis müavini Eldəniz Qənbərov çıxış edərək, ölkəmizdə məişət zorakılığına qarşı mübarizə istiqamətində həyata keçirilən tədbirlərdən danışıb. “Məişət zorakılığının qarşısının alınması haqqında” Azərbaycan Respublikasının Qanunu və onun işləmə mexanizmi barədə geniş məlumat verib. Bildirib ki, hər bir zorakılıq əməli, o cümlədən məişət zorakılığı qadınlar, uşaqlar, ailələr və bütövlükdə cəmiyyət üçün ağır fiziki, emosional, iqtisadi və sosial nəticələr doğurur. Məişət zorakılığı ailədə böyüyüb boya-başa çatan uşaqların tərbiyəsinə, psixologiyasına, sağlam düşüncə tərzinin formalaşmasına mənfi təsir göstərir.
Digər çıxış edənlər məişət zəminində törədilən zorakılıqla mübarizədə əhali arasında hüquqi maarifləndirmənin və belə tədbirlərin əhəmiyyətini vurğulayıblar.
Tədbirdə iştirakçıların mövzu ilə bağlı fikirləri dinlənilib, onları maraqlandıran suallar cavablandırılıb.
İranda baş verən zəlzələ Naxçıvan Muxtar Respublikasında hiss olunub - YENİLƏNİB
Ağdamda eyni gündə doğulub, eyni gündə də şəhid olan qardaşların xatirəsi anılıb
Qax Damazlıq İpəkçilik Stansiyasında 4785 qutu ipəkqurdu toxumu inkubasiyaya qoyulacaq
Naxçıvançaydan Heydər Əliyev su anbarına bərk tullantılar daxil olub
Otuza yaxın şəhid övladı Ağbulaq İstirahət Mərkəzində istirahət edib