Cəlilabadda ədliyyə işçilərinin peşə bayramı qeyd olunub
Cəlilabad, 23 noyabr, İlkin Adıyev, AZƏRTAC
Ədliyyə orqanları vətəndaşlarımızın hüquq və azadlıqlarının qorunmasında, qanunvericiliyin təkmilləşdirilməsində mühüm rol oynayır, dövlətə və xalqa şərəflə xidmət edir. Ölkəmiz bu gün qanunun aliliyinin bərqərar olması və vətəndaşların qanun qarşısında ümumbəşəri bərabərliyinin təmin edilməsi istiqamətində qətiyyətli addımlar atır.
AZƏRTAC-ın bölgə müxbiri xəbər verir ki, Cəlilabad rayonunda da Ədliyyə İşçilərinin Peşə Bayramı Günü münasibətilə Cəlilabad Rayon İcra Hakimiyyətinin başçısı Rafiq Cəlilov, Cəlilabad Rayon Məhkəməsinin sədri Vüsal Cəbrayılov, hüquq-mühafizə orqanlarının rəhbərləri və ədliyyə işçiləri Ulu Öndər Heydər Əliyevin abidəsini ziyarət edib, önünə gül dəstələri düzüblər.
Cəlilabad Rayon İcra Hakimiyyətinin başçısı ölkəmizin ədliyyə işçilərini peşə bayramı günü münasibətilə təbrik edib, onlara çətin və şərəfli fəaliyyətlərində uğurlar arzulayıb.
“Tarixi abidələr uşaqların gözü ilə” – rəsm sərgisi
Naxçıvan Muxtar Respublikasının 100 illiyinə həsr olunmuş rəsm sərgisi açılıb
“Keşikçidağ” Dövlət Tarix-Mədəniyyət Qoruğunda abidələr və tarixi yerlər günü qeyd olunub - FOTO
Hacıqabulda qatarın vurduğu qadın ölüb YENİLƏNİB VİDEO
Naxçıvanda akademik Rəhim Rəhimovun 100 illik yubileyi qeyd edilib